Dúas asociacións denuncian ao conselleiro de Cultura polo Castro de Atalaia

Acúsano de non cumprir coa lexislación de protección patrimonial e non velar pola conservación do depósito arqueolóxico do Castro da Atalaia (San Cibrán, Cervo). Adega e Mariña Patrimonio tramitaron onte a súa denuncia contra o Conselleiro de Cultura, Roberto Varela, diante da Fiscalía pola degradación que sofre o depósito, que leva mais dun ano agardando que a Dirección Xeral de Patrimonio execute o tapado provisional para evitar o seu deterioro. Os feitos denunciados comezaron en 2006, cando o concello de Cervo concedeu licenza para construir tres inmobles na contorna do Castro, obras que foron paralizadas pola dirección xeral de Patrimonio.