A Asociación Mariña Patrimonio presentou a semana pasada unha denuncia perante a Dirección Xeral de Patrimonio notificando a destrucción de 195 metros cadrados de terreo no Castro da Atalaia, alterados, segundo a asociación, durante as obras de construción do "Residencial Faro de San Ciprián", un complexo de tres edificios para 100 vivendas promovidos pola construtora Promociones San Ciprián. A Asociación denuncia que a empresa removeu unha zona de terreo non prevista, quedando inalterados unicamente 15 m2. A asociación solicita a "inmediata paralización" das obras e a posta en coñecemento do Ministerio Fiscal das intervencións da empresa construtora.
