O achado na cova de Eirós, en Triacastela, dun importante depósito de ferramentas e restos animais confirma a presenza de homes de neandertais en Galicia. Malia a que non apareceron polo momento restos humanos, a descuberta, realizada polo equipo que dirixe Ramón Fábregas, supón a máis importante sobre o Paleolítico que se realizou no noso país. Os restos orgánicos localizados someteranse agora á proba do Carbono 14 para datalos con precisión. Ademais da grande cantidade de restos atopados, Fábregas destaca o bo estado de conservación do conxunto.
