Compostela lembra a Exposición Rexional nas Festas do Apóstolo

O centenario da Exposición Rexional galega deixa a súa pegada nas Festas do Apóstolo. Para alén dos habituais concertos e do espectáculo de fogos de artificio desta noite, o programa dos festexos inclúe unha actuacón de cabaret a cargo da compañía Femme Fatale, que levará os visitantes de volta a 1909. Ademais, un desfile de época con xigantes e cabezudos recreará na tarde do día 25 o ambiente daquela época. Desde entón e ata o vindeiro martes poderá verse cada noite o espectáculo de Femme Fatale onda o único edificio que se conserva daquel evento, tamén na Alameda.