A Coruña acolle a quinta edición do Festival Galego de Cabaré

É o único espectáculo destas características que se desenvolve en todo o Estado Español que sirve para dar conta dos espectáculos a medio camiño entre o teatro musical e a danza, mesturado con moito humor, provocación e irreverencia. A Coruña acollerá do 15 ao 23 de outubro a V edición do Festival Galego de Cabaré con intervencións na rúa, espectáculos en bares e teatro. O festival celebra ademais o quinto aniversario de Femme Fatale, a compañía que promove o encontro e que naceu ao abeiro desta proposta que comezou en Oleiros e logo se trasladou a Pontevedra.