O Centro Dramático Galego pon a andar a temporada coa convocatoria das coproducións

A temporada 2009-2010 do Centro Dramático Galego xa está en marcha. Cristina Domínguez continuará no posto ata xaneiro e xa está a traballar no espectáculo de produción propia que se estreará a finais de outubro. Canda isto, o CDG acaba de publicar a convocatoria para escoller ás compañías ou persoas interesadas en coproducir dous espectáculos. Os interesados poderán presentar os seus proxectos ata o 28 de agosto e un deles deberá estar destinado a público infantil.