La fura dels Baus abre a MIT máis internacional e ambiciosa da súa historia

O Campo do Xestal de Ribadavia acolle hoxe un espectáculo creado por La fura dels Baus para inaugurar a Mostra Internacional de Teatro. Splash, que mestura teatro con acrobacias, dá o tiro de saída desta edición da MIT que chega cargada de bo teatro. Para esta fin de semana a compañiá La Rous reflexiona sobre o valor dos recordos en La Casa del Abuelo; Réplika Teatro recolle a escenografía de Ágata Ruíz de la Prada no seu espectáculo de títeres Alicia Atraviesa el Espejo e onde Flyharde ea Sala Beckett presentan o seu City/Sim City. Culturagalega.org fará un seguimento diario con comentarios, recomendacións e suxestións do seu director, Roberto Pascual.

Venres 17
20:00 horas. Inauguración. Casa do Concello
20:30: Pregón. Cándido Pazó. Praza Maior
23:00 horas. Splash. La Fura dels Baus. Campo do Xestal.

---

Sábado 18

A casa do avó

12:30 e 20:30 horas
Compañía La Rous
Lugar: Igrexa da Madalena

Sinopse:
O avó vive na súa rutina. Lávase á mesma hora. Almoza á mesma hora. Pasea á mesma hora. Un día, as súas pernas deciden deixar de camiñar e pouco a pouco vanse apagando.
Cando o avó morre e marcha para sempre, os que quedan, constrúen unha casa moi preto del. Así continúa a historia: placidamente, abrindo e pechando caixóns. Lembrando con cariño a través dun escritorio, o que foi da súa vida.
Din que os que se van sobreviven grazas á lembranza que pervive deles, nos que o amaron...

Duración:
45 minutos

Vídeo:

LA CASA del ABUELO. Compañía La Rous. from Utopi on Vimeo.

Web:
http://www.larous.es/lacasadelabuelo.html

City/Sim City

23:00 horas.
Flyharde e Sala Beckett.

Sinopse:
Inspirada no videoxogo de estratexia Sim City, Fly Hard presenta a historia de tres traballadores dunha multinacional, Daniel, Helena e Xulia, que agardan ver recompensado o intenso traballo que puxeron nun proxecto. O seu obxectivo e que os fagan indefinidos, algo que non conseguen, e comezan un plan para desestabilizar a empresa.

Duración:
90 minutos

Web:
http://www.flyhard.org/?author=1

Vídeo:

---

Domingo

Alicia atraviesa el espejo

12:00 horas de Réplika Teatro

Sinopse:
Alicia experimenta, a través dun itinerario simbólico, o paso da infancia á adolescencia. Faise maior e a realidade pide paso antes os seus ollos. Ten que desprenderse da infancia e entrar nun mundo que comeza a facer parte dos seus desexos.

Duración:
70 minutos

Web:
http://www.replikateatro.com/Espectaculos/Alicia2/Alicia2%20Todo.htm

De la vida de las marionetas

23:00 horas.
Réplika Teatro

Sinopse: Trátase dunha versión da obra orixinal de Ingmar Bergman, que Jaroslaw Bielski dirixe para contar a historia de Peter e Katerina. Unha parella duns cincuenta años, que de pronto se teñen que enfrontar á sensación de ter
desperdiciado a súa vida nas apariencias, descoidando por completo a súa vida espiritual e emocional.

Duración: 95 minutos