Despois de solicitar varias reunións con diferentes “autoridades da Consellaría da Cultura”, a coordinadora de asociación profesionais do sector audiovisual pide agora unha xuntanza co presidente da Xunta, Alberto Núñez Feijóo. Nela explicaranlle que coinciden na necesidade de unificar todas as competencias desta materia nun único organismo, pero que difiren en canto a súa situación no organigrama administrativo, que ha de estar na Consellaría de Cultura. Ademais, pretende expresar o seu malestar na tardanza da resolución da convocatoria de axudas. Esta coordinadora está constituída polas asociacións profesionais que integran a actores e actrices, guionistas, técnicos, directores e realizadores de Galicia.
