A revista Extravío publica un número sobre BD e ilustración

A banda deseñada e a ilustración protagonizan o último número da revista Extravío, dedicada á literatura comparada. Entre os seus contidos, atopamos un amplo artigo sobre a obra Trazo de xiz, de Miguelanxo Prado. O texto, a cargo de Antía Marante, filóloga da Universidade de Santiago, analiza a intertextualidade e a metaficción nesta historia. O artigo íntegro está dispoñible no web da revista.