A prestixiosa revista literaria “Quimera” aproveita o seu número 293 para se centrar no cómic. O volume, coordinado por Breixo Harguindey, analiza con algunhas da sinaturas máis recoñecidas do medio a nivel estatal diferentes ámbitos da BD, entre elas un artigo do propio Harguindey sobre Charles Burns. Pola súa banda, Kike Benlloch volta ao ABC cun artigo sobre a presenza dos indios nos tebeos. En Galiciae atopamos unha videoentrevista a Alberto Vázquez, e no blog de Emma Ríos atopamos a súa reinterpretación de varias páxinas dos “Novos mutantes”, mentres a revista GPS abre o seu último número cunha ampla reportaxe sobre a situación da nosa BD.
