Inma López Silva faise co XV premio Juan de San Clemente

A XV edición do Premio Arcebispo Juan de San Clemente xa ten gañadores. Memoria de cidades sen luz valeulle a Inma López Silva o galardón na categoría de novela galega. Pola súa banda, Dientes de leche de Ignacio Martínez de Pisón, foi seleccionada polos alumnos de diferentes centros de ensino do país coma mellor obra en lingua castelá. Na categoría internacional, a gañadora foi El chino, de Henning Mankel. Cada un dos gañadores leva 3.000 euros de premio, e agárdase que visiten Compostela para o acto de entrega que se celebrará nos vindeiros meses. O anuncio dos gañadores fíxose esta mesma mañá no IES Rosalía de Castro da Cidade do Apóstolo.