O Fiscal Superior reclama medidas de apoio ao galego

Cómpren medidas legais para situar o galego en pé de igualdade co castelán. Así o referiu este sábado o Fiscal Superior de Galicia, Carlos Varela, no acto anual da Irmandade Xurídica Galega. Varela sinalou a necesidade de empregar discriminación positiva coa nosa lingua para conseguir que non estea en inferioridade de condicións. Pola súa banda, o deputado nacionalista Bieito Lobeira anunciou o mesmo día que o BNG denunciará ante a Asemblea Xeral da UNESCO a vulneración da Declaración Universal dos Dereitos Humanos e mais dos dereitos lingüísticos dos galegos pola política da Xunta.