A Mesa denuncia a situación do galego en Nacións Unidas

A Mesa pola Normalización Lingüística participou en Xenebra no Exame Periódico Universal do Consello de Dereitos Humanos, e denunciou que "a discriminación contra as linguas oficiais distintas do español é completamente inaceptable e debe cesar de xeito inmediato". A Mesa solicitou "facer unha chamada á orde ás autoridades competentes en España" para que tomen medidas "que garantan o cesamento da discriminación lingüística".