Hai varias constantes no traballo de Sebastián Romo (México, 1973), un dos creadores máis destacados da arte mexicana. O traballo coa natureza, o uso da imaxe (fotografía e vídeo) así como a execución de intervencións escultóricas en espazos públicos. E todas elas aparecen en A vontade das cousas que hoxe abre as súas portas no CGAC. Non é exactamente unha retrospectiva, senón máis ben unha proposta artística que pretende afondar no traballo deste artista cunha gran carga poética e emotiva.
