Artistas coma Frank Nitsche, Herbert Brandl, Otto Zitko, Pedro Calapez ou José Lourenço incorporáronse ao longo de 2008 á colección de arte internacional contermporánea da Fundación Barrié. Agora esta entidade prepara En construcción 2, unha mostra que amosará a partir do vindeiro 4 de xullo en Vigo un total de quince obras destes e doutros autores que fan parte da súa colección. A intención da entidade é explotar a parte íntima do espectador á hora de se enfrontar á obra como contraposición á primeira entrega, centrada en obras de grande tamaño.
