A Fundación Barrié amosa en Vigo as primeiras obras da súa nova colección internacional de arte

A Fundación Barrié iniciou unha política de adquisicións de obras de arte contemporáneas de ámbito internacional, e pretende exhibilas ano tras ano en exposicións co máis destacado das adquisicións que a Fundación faga ao longo do ano. En Construcción I, comisariada por David Barro, amosa obras do norteamericano Jonathan Lasker, o arxentino Fabián Marcaccio, a británica Fiona Rae, o alemán Günther Förg, o galego Pedro Barbeito, a artista alemana Katharina Grosse, o inglés Jason Martin, o alemán Imi Knoebel e a brasileira Sandra Cinto.

A mostra presenta na sede da Fundación en Vigo nove obras de gran formato "a partir dunha montaxe que enfatizará ese estado de tránsito e presente continuo da recén iniciada colección", sinalan desde a Fundación.

Algunhas das obras que poderás ver

Jonathan Lasker (Jersey, Nueva York, EE.UU., 1948). The History of Wealth, 2008. Óleo sobre lienzo. 183 x 269 cm

Pedro Barbeito (A Coruña, 1969) Tilted Landscape II, 2006. 170,2 x 274,3 cm. Formato ovoide

Fabián Marcaccio (Rosario de Santa Fe, Argentina, 1963). Emotional Abstract Coalition, 1998. Técnica mixta sobre tela, 285 x 489 x 50 cm