Foi o “waterloo galego”, ou o que é o mesmo, a batalla que libraron contra os franceses os habitantes de Ponte Sampaio. Aconteceu en 1809, pero os veciños celébrano todos os anos. Nesta ocasión, co gallo do bicentenario, haberá recreacións, pasarrúas, ofrendas florais e conferencias. As actividades, que organiza a Asociación de Veciños de Heroes de Ponte Sampaio, terán lugar do 5 ao 7 de xuño.
