O emprego cultural medrou un 11,6% en Galicia durante 2008. Este incremento supuxo 2.700 empregos novos durante este período, o que supón unha ruptura co descenso que se rexistrara en 2007. Os datos están extraídos da explotación que fixo o Observatorio da Cultura da Enquisa de Poboación Activa que fixo pública o INE recentemente. En termos porcentuais, a cultura dá traballo ao 2,2% da poboación activa en Galicia unha cifra que só é superada polos datos de 2006 (2,3% e 26.300 traballadores). Galicia é a sétima comunidade que rexistrou o maior incremento no traballo neste sector a nivel estatal.
