En 2012 perdéronse 2.800 empregos no sector da cultura, o que supón un descenso do 11.6% con respecto ao último ano. Así o constata o último informe do Observatorio da Cultura que analiza as fontes do Ministerio de Traballo e da Seguridade Social. A día de hoxe, hai rexistados 21.400 galegos traballando no sector cultural, que nos sitúa en niveis do ano 2004. O descenso do emprego cultural en Galicia é moito máis alto que a media estatal, que só perde un 6% neste sector.
A última explotación estatística feita polo Observatorio da Cultura revela outra cifra negativa no que atenden ao número de afiliacións á Seguridade Social, que supón 793 afiliados menos. Con todo, o descenso é moito máis acusado nos afiliados de réxime xeral (721 menos) que nos autónomos (só 72). Dentro delas destacar que os servizos e información e as actividades de bibliotcas, arquivos e museos incrementaran as cifras, sendo o sector das artes gráficas e edición os que máis descenden, malia a ser os máis numerosos.
Número de afiliacións á Seguridade Social en Galicia. Réxime Xeral. Comparativa 2009-2012
Número de afiliacións á Seguridade Social en Galicia. Réxime Xeral. Comparativa 2009-2012
