A asociación cultural de Xinzo Civitas Limicorum ven de por en marcha un foro de debate sobre a pegada romana na localidade. Pola súa banda, a Asociación Cultural Auriense, da capital da provincia, vai transformar a súa sede nun café cultural que achegue á sociedade as diferentes actividades que levena cabo.
Unha de romanos
Xinzo de Limia contará cun foro permanente de debate sobre a influencia da cultura romana na zona organizado pola asociación Civitas Limicorum. Con este foro preténdese que a localidade tome consciencia da súa transcendencia como un dos principais enclaves romanos no noroeste ibérico. Ademais, a asociación prevé organizar para este verán a "Festa do esquecemento" que transforme por un día Xinzo nunha vila romana. O nome da festa provén da lenda que atribuía ó río Lima a capacidade de provocar amnesia en quen o cruzase.
Un café (cultural)
A Asociación Cultural Auriense adaptarase ós novos tempos transformando a súa sede social nun café cultural do mesmo nome. Hoxe realizarase a inauguración do local, que contará con programación continuada ó longo de todo o ano, incluindo concertos, tertulias, espectáculos e exposicións. Paralelamente a estas actividades, a asociación manterá unha programación máis centrada na calidade que na cantidade e que pretende cubrir espacios baleiros na programación cultural. Tamén onte se produciu a renovación da xunta directiva, que pasará a dirixir Millán Picouto.
