Os historiadores da arte afondan nas relacións con outras profesións

Rehabilitación, produción artística, xestión cultural e divulgación son disciplinas tanxenciais da arte. E sobre elas pretenden reflexionar a Asociación de Historiadores da Arte no seu segundo encontro de traballo. Co título O traballo co Patrimonio Cultural desde diferentes perspectivas profesionais realizaranse catro mesas de traballo que rematarán cun foro de debate sobre as carencias e necesidades dos profesionais do sector. O encontro rematará cunha mesa de presentación de proxectos por parte dos socios da asociación.