A problemática e responsabilidades das distintas profesións que traballan no ámbito da xestión dos bens culturais centran as III Xornadas sobre boas prácticas na conservación do patrimonio cultural. O encontro celébrase o vindeiro 27 de setembro no Consello da Cultura, e consta de catro mesas redondas e un debate final nos que se tratarán desde a regulación legal, as diferentes perspectivas profesionais que traballan neste ámbito ou o xeito de actuación sobre bens inmobles. O prazo de inscrición para as xornadas está aberto no web do Consello da Cultura.
Programa das III Xornadas sobre boas prácticas na conservación do patrimonio cultural.
