Na súa primeira alusión á Cidade da Cultura, o novo presidente da Xunta de Galicia, Alberto Núñez Feijoo pediu tempo. Exactamente “unhas semanas para ver o que custa e o que queremos facer”, explicou no Consello da Xunta ante a pregunta dos xornalistas. Unha vez que remate a revisión dos orzamentos, Feijoo aclarou que o seguinte chanzo pasa por abrir a cidade a todo o mundo. “Queremos facer unha cidade xacobea da cultura, aberta o mundo” aludiu, ao tempo que xustificou a elección de Roberto Varela como conselleiro para levar adiante ese cometido.
