Preto de 15.000 persoas participaron nas propostas do Centro Coreográfico Galego

En xaneiro de 2006 comezaba a actividade do Centro Coreográfico Galego, a unidade de produción de danza do IGAEM (hoxe AGADIC). Desde entón a actividade do centro non parou de medrar. Segundo o seu último informe, que fai referencia á temporada 2007-2008, o CCG realizou arredor de 300 accións artísticas nas que participaron máis de 14.700 persoas. Entre as actividades realizadas neste período destaca o encontro internacional da danza e artes de movimento, MOV-S, que se desenvolveu na illa de San Simón e que concentrou a 150 programadores nacionais e internacionais.