A Mostra Internacional de Teatro de Ribadavia acolle mañá a representación de O quiosco das almas perdidas coa que o Centro Coreográfico Galego fecha a súa segunda temporada. O organismo aproveita esta ocasión para facer balance da súa actividade, e destaca que máis de 6.500 persoas asistiron ás 29 representacións que ofertou en cinco meses de xira e que outras 1.400 participaron en diferentes actividades formativas que organizou.
