Concursos, palestras e mesas redondas relacionadas coa informática, a robótica e a tecnoloxía. Estes son os ingredientes da décima edición do Xuventude Galiza Net, a cita da mocidade coa informática que arranca hoxe en Compostela. Este ano, a organización ten previsto darlle un salto cualitativo no apartado da robótica, convocando o primeiro concurso internacional deste tipo baseado na arquitectura Ieee. O encontro, ademais do apartado lúdico, tamén ten unha vertente práctica ao anunciar que poñerán en contacto a preto de mil asistentes con 40 das empresas tecnolóxicas punteiras do país co obxectivo de integralos no mercado laboral. O encontro, que ampliou a idade dos participantes ata os 35 anos, conta con 1.800 inscritos.
