Unha das queixas máis habituais dos espectáculos contemporáneos é que non se entenden. Para rachar con esta idea, a Sala Nasa e o Concello de Santiago acaban de poñer en marcha o Obradoiro do Espectador. Unha iniciativa novidosa na que prentenden darlle ao público as claves para poder comprender os códigos narrativos e formais das artes escénicas contemporáneas mediante tres obradoiros. Uns cursos que seguen sempre a mesma dinámica: asistir a un ensaio, á representación, e logo a un coloquio-encontro cos creadores. A proposta ten un prezo de 8 euros por obradoiro e un bono para os tres espectáculos (24 euros). As inscricións poden facerse a partir do 6 de abril do Centro Sociocultural do Ensanche.
