Hoxe, 27 de marzo é o Día Mundial do Teatro. Unha efeméride que se celebra en Galicia cunha boa nova: o 2008 foi un bo ano para a escena. Así o constatan as cifras de asistencia dos espazos que contabiliza a Consellaría de Cultura a través do AGADIC (co Salón Teatro, a Rede Galega de Teatros e Auditorios e a Rede Galega de Salas) que revelan que nese ano asistiron 127.273 persoas aos espectáculos programados. Unha cifra que supón un 20% máis que no 2007, cando se acadaron 105.209 espectadores. Ademais, o ascenso de público traduciuse nun incremento de facturación que sumou 434.160 euros.
