Se Gomorra, a película que recolle a camorra italiana, fixo colgar o cartel de “non hai entradas” en Cineuropa, os primeiros datos xerais de espectadores revelan que non foi un fenómeno illado, senón unha tendencia de todo o certame. Nesta edición pasaron polas súas salas (CGAC, Teatro Principal, Salón Teatro, Fundación Caixa Galicia, aula sociocultural de Caixa Galicia e Arteria Noroeste) máis de 20.000 espectadores. Segundo as cifras que manexa a concellaría de Cultura, organizadora do certame, son 5.000 máis que no mesmo período en 2007.
