Aumenta timidamente a cifra de asistentes ao teatro galego

Bautizouse como a “Temporada da cidadanía” por ese interese por enganchar o gran público, pero os espectadores van pillándolle o bechoco pouco a pouco. As cifras totais de espectadores, funcións e recadacións do Instituto Galego de Artes Escénicas e Musicais (IGAEM) do 2007 revelan un tímido aumento de espectadores con respecto ao ano anterior, rexistrando 89.113 espectadores, o que supón 4.001 máis. Desas cifras, 4.292 corresponde ás salas privadas que no 2006 constituíron un circuíto particular. O que si aumenta foi o número de funcións (110 máis) que fai descender as cifras de asistencia media aos espectáculos. Con respecto á facturación, no 2007 os ingresos ascenderon ata os 253.985 euros (62.000 euros máis que no período anterior).