Os espectadores valoran cun notable as montaxes da Rede Galega de Teatro e Auditorios

Un 7.9 para o teatro de autor, un 8.3 para o de monicreques e un 8.4 para o de danza. Estas son as notas que 750 asistentes da Rede Galega de Teatros Auditorios lle puxeron aos espectáculos que viron ao longo do 2008. Así o revela unha enquisa de satisfacción de público promovida pola Axencia Galega das Industrias Culturais. Un estudo que tamén confirma a tendencia á alza na asistencia a este tipo de espectáculos respecto aos dous anos anteriores.