Os espectáculos de danza son máis demandados nas cidades e por un público maior

As conclusións e cifras do Estudio de Público da Rede de Teatros e Auditorios presentadas polo IGAEM achegaban conclusións sobre o consumo de espectáculos. Onte vimos as cifras relativas a teatro, pero non son as únicas, xa que o estudo tamén facía referencia a danza, maxia e monicreques. Segundo este informe elaborado por Cidadanía para o IGAEM, despois do teatro, a danza é o xénero que esperta máis interese e o perfil de asistencia é público das cidades e de maior idade. A maxia rexistra os índices máis baixos de interese e de asistencia. En canto á música, o estudo conclúe que é o sector no que existe un consumo máis homoxéneo en todos os públicos, sen que se aprecien tendencias con respecto á idade ou ao xénero.

Máis información no web do IGAEM e na nosa nova