Palabras para un baleiro é o título que lle valeu a Baldo Ramos facerse cos 6.000 euros do premio de poesía Fiz Vergara Vilariño. O xurado do certame, que convoca co Concello de Sarria canda a agrupación cultural Ergueitos, seleccionou a obra deste autor entre os preto de 80 exemplares que se presentaron ao certame. Ramos explícanos unha obra que para el supón chegar a “un momento de non retorno” na súa poesía, e adianta que toma un descanso para mudar de perspectiva poética. Os fans, no entanto, terán a oportunidade este ano de ler dous novos poemarios seus, alén do gañador do certame.
