Só o 8,66 por cento das teses doutorais da USC son en galego

A presenza do galego nas teses de doutoramento da Universidade de Santiago (USC) está nunha media do 8,66% das presentadas desde 1994. A revista virtual O cartafol, do Servizo de Normalización Lingüística da Universidade de Santiago achega unha análise sobre as linguas que os investigadores empregan para se doutorar. Nese sentido, advirten unha tendencia crecente ao emprego do portugués e doutras linguas diferentes aos castelán, especialmente o inglés, nestes documentos. No entanto, o emprego do galego é pouco habitual, xa que o pasado 2008, só 7 teses se presentaron na nosa lingua. A USC achega desde hai anos axudas económicas e asesoramento ás persoas interesadas en facer estes traballos en galego.