Está xa na rede o Portal de Investigación da Universidade de Santiago de Compostela. A institución académica lanzaba este 12 de abril o web no que compila a produción dos seus diferentes grupos de investigación. En actualización constante, o espazo achega 26.475 documentos en acceso aberto e 8.613 teses. Ademais, a iniciativa inclúe datos sobre a produción científica da entidade, a incluír "os resultados globais da institución, con diversos apartados dedicados a publicacións, teses doutorais, colaboracións con outros centros ou patentes, entre outros aspectos".
