Unha xornada explicará as ferramentas para mellorar a divulgación científica

Hai uns días coñeciamos os resultados da IV Enquisa Nacional de Percepción Social da Ciencia e da Tecnoloxía, que apuntaba que só a un de cada tres españois lle interesaba este tipo de temática. Para mellorar eses indicadores, cómpre mellorar a divulgación. E nesa dirección apunta a Consellaría de Innovación e Industria, a través da Dirección Xeral de I+D+i, na xornada que ten previsto realizar no Consello da Cultura Galega para o vindeiro 3 de marzo. Un encontro que permitirá presentar as ferramentas que existen para realizar actividades de divulgación, así como pór en común unha serie de exemplos de éxito.