A maioría dos galegos cre que Galicia é das máis atrasadas a nivel científico

A maioría dos galegos (o 60%) considera que a ciencia e a tecnoloxía reporta máis beneficios que prexuízos á sociedade. E tamén son máis (o 62%) os que pensan que Galicia está máis atrasada co resto nesta materia. O Observatorio da Cultura Galega quere achegar cunha explotación específica dos datos relativos ao noso país no ámbito científico o seu gran de area á celebración da Semana da Ciencia en Galicia. A fonte dos datos é unha Enquisa Nacional sobre a percepción social da Ciencia e a Tecnoloxía que fai referencia ao ano 2008.