A cidade é unha gran base de datos de fenómenos tipográficos e de signos. Sobre eles traballarán un grupo de vinte persoas no marco do obradoiro O ollo na rúa, un proxecto experimental sobre tipografía e comunicación coproducido polo Centro Galego de Arte Contemporánea (CGAC) e a Asociación Galega de Deseñadores (DAG) no marco do Proxecto-Edición. Do 25 ao sábado 28 os participantes fotografarán fenómenos tipográficos e sígnicos de Santiago, a partir dos que crearán pezas gráficas ou visuais. Con ese obxectivo pretende crear un novo repertorio de signos, unha tribo tipográfica, a modo de intervención na cidade.
