O Centro Galego de Arte Contemporánea (CGAC), o MARCO de Vigo e a Fundación Luís Seoane acaban de dar a coñecer o “Espazo de documentación”. Un proxecto virtual (conta cun sitio web actualizado) e físico que pretende servir de base de datos de artistas e creadores de arte contemporánea do país. O espazo nace con información que documenta a traxectoria profesional (currículo, listaxe de exposición e unha escolma de obras) de máis de cen artistas e irá completándose co paso do tempo. A iniciativa enmárcase dentro do Proxecto Edición que iniciaron o ano pasado os tres centros.
Máis información no web do Espazo de Documentación, e no do Proxecto edición
