Se xa estaban a Consellaría de Cultura e mais o Ministerio de Defensa a traballar na localización de galeóns afundidos na Ría de Vigo, agora súmase a estas investigacións o Concello de Vigo. O alcalde da cidade, Abel Caballero, anunciou que encargará o seu propio estudo para coñecer o estado destes restos. O rexedor recolleu a idea que propuxeran hai meses diferentes colectivos da cidade de crear un centro expositivo dedicado á batalla de Rande, e baralla a posibilidade de reonstruír un dos buques afundidos para o amosar.
