Unha expedición explorará este verán os galeóns de Rande

A Consellaría de Cultura iniciará este verán unha nova campaña de exploración na zona na que se atopan os galeóns afundidos durante a Batalla de Rande. Así o asegura hoxe Felipe Arias no “Atlántico Diario”, e indica ademais que será o arqueólogo vigués Javier Luaces o encargado de dirixir a expedición. O obxectivo desta investigación será localizar con precisión os galeóns e constatar o estado de conservación dos pecios. Será a segunda exploración que encarga este departamento, despois de que noutra campaña anterior verificasen a localización dos buques.