A Ría de Vigo verá este verán unha nova tentativa por localizar os restos dos galeóns que descansan no fondo de Rande. En principio trátase de empregar o sónar e técnicas semellantes para localizar os pecios, sen que se prevea desenvolver traballos específicos de investigación e recuperación arqueolóxica. A iniciativa, apoiada desde a Dirección Xeral de Patrimonio e dirixida por Javier Luaces, correrá a cargo da empresa Tecmarín co apoio da Universidade de Vigo e mais do CSIC.
