É o texto que regulará por primeira vez as condicións laborais dos actores. Foi consensuado polos representantes dos sindicatos CC.OO., CIG, UXT, da Asociación de Actores e Actrices de Galicia (AAAG), da asociación Escena Galega, e da Axencia Galega das Industrias Culturais (AGADIC), é dicir, todos os implicados nesta área e aprobarase mañá. O documento (que ten preámbulo e 27 artigos) define catro categorÃas profesionais (protagonista, principal, secundario e reparto) e estipula desde a prestación laboral por ensaios e substitucións, ata a xornada laboral pasando polo réxime de traballo e a contratación de menores en espectáculos públicos. Ademais, fixa as retribucións económicas para este 2009.
