Os interesados en adquirir páxinas orixinais de Cuaderno de tormentas, última obra de David Rubín, teñen unha oportunidade na Coruña. A galería de arte Pardo Bazán acolle entre o 20 de febreiro e o 20 de marzo unha exposición na que se poden ver e adquirir varias das planchas desta obra. Tamén estarán á venda as ilustracións que o autor realizou para os carteis das diferentes presentacións, así coma reproducións limitadas e asinadas dalgunhas das páxinas expostas. Os asistentes á inauguración, o día vinte, poderán levar tamén exemplares asinados do libro.
