O Concello de Verín vai reorganizar os contidos do seu Centro de Interpretación Museística e dotará este espazo de contidos interactivos. O novo centro estará artellado arredor dos que, para o concello, son os tres grandes sinais de identidade do lugar: o Entroido, o viño e a auga. Segundo a tentente alcalde, María do Carmo Prado, a intención é darlle un maior protagonismo a estes elementos "ata o de agora en segundo plano". Na actualidade, os contidos consisten en paneis e videos sobre os atractivos naturais e culturais da zona. O custo da actuación aínda está por avaliar.
