Un de iniciativa privada e outro de xestión pública pero nos dous cun mesmo resultado: fechados. Estes días chegounos a nova do peche do Museo do Azabache e do Centro de Interpretación Museística de Verín. O primeiro, de xestión privada abriu en 2004, e cesa a súa actividade por mor da crise. O segundo, pola escasa afluencia de visitantes. O espazo de Verín foi clausurado de xeito temporal polo goberno municipal polo custe de mantemento das instalacións. Estaba formado por catro salas que documentaban as principais tradicións e características do municipio de Verín e nas que se incluían varias caretas de O Cigarrón.
