Os Museos Científicos reúnen os seus contidos dixitais nun web

Presentado como o cuarto centro da Rede de Museos Científicos da Coruña o web e-Museo concentra os contidos destes espazos na rede. Deste xeito, o novo portal destes organismos amosa os webs de exposicións como O asombro de Mr. Darwin ou Homínidos e homínidas. Ademais, poden atoparse monografías, vídeos, conferencias en audio e interactivos como a liña do tempo sobre a evolución da SIDA. O proxecto permite tamén que os propios lectores suban os seus videos sobre ciencia ao web, e inclúe un blog, a Wikiteca Mc2 que achega información sobre a actualidade científica.