O web patrimonio.org pon na rede 122 bens culturais

Fichas sobre os principais bens patrimoniais do país. Videos, imaxes, rutas culturais con coordenadas e outros contidos son os principais contidos do novo web patrimonio.org. Este espazo, posto en marcha pola Dirección Xeral de Patrimonio Cultural, pretende converterse no referente informativo sobre este campo e para isto inclúe tamén novas e permite consultar os textos legais relacionados con este ámbito. Polo momento poden verse na rede as fichas de 122 bens, e a Dirección Xeral anuncia que se irán incorporando outros elementos a este catálogo.