O plegamento de Campodola_Leixazos, as zonas mineiras en Pacios da Serra, Montefurado, Vilarbacú ou os vales da Seara e Vierios son algunhas das zonas destacadas dunha ruta xeolóxica que está a preparar o concello de Quiroga. Tal e como publica hoxe El Progreso, o concello desta zona ten previsto desenvolver un centro de interpretación que exhibe os principais acontecementos da historia palentolóxica e xeolóxica de Galicia. O concello, coa axudas do instituto Isidro Parga Pondal (vencellado á Universidade da Coruña), está a deseñar os contidos do centro de interpretación e encargou réplicas de animais e fósiles que existiron hai miles de anos nesta zona do Courel.
