Cinco xornadas de portas abertas inauguran a reformada Casa das Ciencias da Coruña. Melloras no planetario, unha mellor accesabilidade e doce módulos interactivos son as principais novidades. Segundo asegura Xosé Antón Fraga, director dos Museos Científicos, "o 80% dos contidos do museo son novos". Entre as novidades, está tamén unha exposición temporal dedicada aos anfibios. En total investíronse 600.000 euros neste proxecto, que se desenvolveu durante catro meses.
